love story

taiping koching sentar mein vijay ka pahala din tha. vah apanee seet par baitha taip seekhane ke lie niyamaavalee pustika padh raha tha. tabhee usakee nigaah apane kebin ke get kee taraph gaee. kajaraare nayanon vaalee ek saanvalee ladakee usakee kebin mein aa rahee thee. 

ladakee usakee bagal vaalee seet par aakar baith gaee. taiparaitar ko theek kiya aur taip karane mein mashagool ho gaee. vijay ka man taip karane mein nahin laga. vah kisee bhee haalat mein ladakee se baaten karana chaah raha tha. vah taiparaitar par kaagaj lagaakar baith gaya aur ladakee ko dekhane laga. ladakee kee anguliyaan taiparaitar ke keebord par aise pad rahee theen jaise haaramoniyam baja rahee ho. 

kya dekh rahe ho? thodee der baad ladakee gusse se bolee.

aapako taip karate hue dekh raha hoon. 

yahaan kya karane aae ho?

taip seekhane. 

aise seekhoge? ladakee ke svar mein talkhee barakaraar thee.

 mera aaj pahala‍ din hai, isalie meree samajh mein kuchh nahin aa raha hai. aap taip kar rahee theen to main dekhane laga ki aapakee anguliyaan kaise padatee hain keebord par. aapako taip karate dekhakar laga main bhee seekh jaoonga. 

yadi isee tarah mujhe hee dekhate rahe to aapakee yah manokaamana kabhee pooree nahin hogee.

ladakee phir taip karane mein jut gaee. vijay bhee keebord dekhakar taip karane laga. taip karane mein usaka man nahin lag raha tha. ve bechainee-see mahasoos kar raha tha. das minat baad hee usane taiparaitar ka riban phansa diya. 

riban to phansega hee jab dhyaan kaheen aur hoga....

ladakee usake taiparaitar ko thoda apanee or kheenchakar riban theek karane lagee. isee beech riban neeche gir gaya. vah use uthaane ke lie jhukee to usake gale se chunnee gir gaee. riban uthaane ke‍ lie vijay bhee jhuka tha. usakee nigaah akasmaat hee ladakee ke urojon par chalee gaee. vah sakapaka gaya.

 

lo, theek ho gaya. ladakee ne kaha ta usakee chetana lautee. ladakee phir taip karane mein lag gaee, lekin vijay ka man taip mein nahin laga. vah ladakee se baat karane kee taak mein hee laga raha.

 man nahin lag raha hai? achaanak ladakee ne usase poochha to baanchhen khil gaeen.

lagata hai ki seekh bhee nahin paoonga.

aasaar to kuchh aise hee dikhate hain.

aapaka naam? vijay ne baat ko badhaane ke lie savaal kar diya.

sarita.

achchha naam hai. 

lekin mujhe is naam se napharat hai.

kyon? 

koee ek kaaran ho to bataen. yah kahate hue sarita apanee seet se uthee aur pars kandhe par taangate hue kebin se baahar nikal gaee. vijay use jaate hue dekhata raha. usake jaane ke baad usane taiparaitar par daalee. taiparaitar use udaas laga. 

aur duniya badal gaee

isee din se vijay hava mein udane laga. raaton ko chhat par ghoomane laga. taare ginata aur unase baaten karata. chaandanee raat mein baithakar kavitaen likhata. garmee kee dhoop use gunagunee lagane lagee. duniya gulaabee ho gaee to jindagee gulaab ka phool. aankhon se neend gaayab ho gaee. vah kh‍yaalon hee kh‍yaalon mein paidal hee kaee-kaee kilomeetar ghoom aata.

 

apanee is sthiti ke baare mein usane apane ek dost ko bataaya to usane kahaan guru tumhen pyaar ho gaya hai. dost kee baat sunakar use achchha laga. 

agale din vijay ne sarita se kaha ki aap par ek kavita likhee hai. chaahata hoon ki aap ise padhen.

yah bhee khoob rahee. jaan na pahachaan. too mera mehamaan. kitana jaanate hain aap mujhe? 

jo bhee jaanata hoon usee aadhaar par likha hoon.

sarita usakee likhee kavita padhane lagee.

sarita,

kal-kal karake bahane vaalee jaladhaara

logon kee pyaas bujhaatee

kisaanon ke kheton ko seenchatee

raah mein aatee hain bahut baadha

phir bhee milatee hai saagar se

usake prem mein saagar

saahil par patakata hai sir

unake prem kee pragaadhata ka pramaan

poornamaasee kee raat mein

uthane vaala jvaar-bhaata

sarita hai to saagar hai 

sarita ke bina registaan ho jaega saagar

saagar ke prem mein 

sarita laanghatee hai pahaad, pathaar

aur maanav nirmit baadhaon ko

 

kavita ke neeche usane vijay kee jagah saagar likha tha. sarita ne use dekha aur kaagaj vijay kee taraph badha diya. vijay ne kaha ki main chaahata hoon ki aap ise taip kar den. ise chhapane ke lie bhejana hai. sarita kuchh nahin bolee. kaagaj ko saamane rakhakar taip karane lagee. vijay use dekhata raha. is baat ka aabhaas sarita ko bhee tha ki vijay use hee dekh raha hai, lekin usane koee virodh karane ke bajaay poochha ki aap kavi hain?

banane kee koshish kar raha hoon.

 

kavi bhagode hote hain. sarita ne usakee or dekhate hue kaha. usakee is tippanee se vijay sakapaka gaya. 

kavi apane sukh ke lie kavita rachata hai. rachate samay vah kavita ke baare mein sochata hai. usake baad vah kavita ko usake haal par chhod deta hai. kavita jab sankat mein hotee hai to kavi kavita ke paksh mein khada nahin hota.

yah aap kaise kah sakatee hain.

main samajhatee hoon ki aadamee kee jindagee bhee ek kavita hai. meree jindagee ek kavita hai. meree jindagee mujhe achchhee nahin lagatee. isalie kavita bhee mujhe achchhee nahin lagatee.

are vaah, aap to kavi hain. abhee aapane jo kaha vah to kavita hai.

kavita nahin, kavita ka pralaap hai, usakee vedana.

jo us kavi ke kaaran upajee hai, jisane meree jindagee kee rachana kee. itana kahakar sarita kebin se baahar chalee gaee.

kaisee hai yah? vijay ne sarita ke taiparaitar ko dekha. laga jaise taiparaitar kisee shok geet kee rachana mein mashagool hai.

 

pyaar kee khushaboo

aaj unhonne baaten adhik keen. unake vaartaalaap ko dekhakar taiping instit‍yoot chalaane vaalee maidam ne unake paas aakar kaha ki aajakal to tum kaaphee khush ho sarita. badale mein sarita keval muskaraee. vijay bhee muskaraaya. to kya mere pyaar kee gandh ise bhee lag gaee.

 

agale din sarita jab instit‍yoot aaee to kaaphee sajee-dhajee thee. naya gulaabee soot pahane thee. baalon ka stail badala hua tha. vijay ko sarita ka yah badala roop ach‍chha laga. vah apanee bhaavanaon ko daba nahin paaya. bola, kaaphee sundar lag rahee ho. javaab mein jab sarita ne muskaraate hue thainkyoo ka phool jab usakee taraph phenka to usakee ichchha huee ki vah khada hokar naachane lage aur jor-jor se chillaaye ki use pyaar ho gaya hai.

 

grah-nakshatron kee chaal

aadamee jab‍ niraash hota hai ya phir lakshy ke prati usakee sthitiyaan saaph nahin hotee hain to vah dharm aur jy‍otishee kee sharan mein chala jaata hai. vijay kee bhee haalat kuchh aisee hee thee. vah sarita ko chaahane laga tha, lekin sarita bhee use chaahatee hai yah spasht nahin tha. 

 

vah apanee berojagaaree se bhee pareshaan tha. ghar vaale shaadee ke lie alag se dabaav daal rahe the. lihaaja ek din vah jyotishee ke paas chala gaya. naukaree paane ke lie vah jyotishee se nuskhe poochhata rahata hai. usane socha ki prem paane ke lie bhee grh-nakshatron kee chaal jaan lee jae. naukaree ke lie to jyotishee kabhee kahata hai ki aapakee kundalee mein kaalasarp dosh hai, jo aapake shubh kaaryon mein baadhak hai. 

 

isakee shaanti ke lie ghar mein mor pankh rakhen aur pratidin use do-teen baar apane shareer par ghumaen. somavaar ke din chaandee se bana sarp ka joda shivaling par chadhaen. nity shreeganesh jee kee upaasana karen. dhairyapoorvak aisa karane par hee rojagaar praapti kee sambhaavana banegee. vijay ne abhee tak usake batae har nuskhe ko aajamaaya, lekin aaj tak koee sambhaavana nahin banee. shikaayat karane par vah kah deta hai ki aap par bhaagyesh shukr kee mahaadasha chal rahee hai. shukr ke balavardhan ke lie shukravaar ke din saadhe paanch rattee ka opal chaandee mein jadavaakar daahinee madhyama mein dhaaran karen.

 

pandit jee meree kundalee mein prem hai ki nahin? 

hai na, bahut hai. kundalee par sarasaree najar daalate hue jyotishee ne kaha. 

prem vivaah ka yog hai?

hai, lekin kuchh baadhaen hain.

prem vivaah mein kya laphada hai?

aap par shukr kee mahaadasha chal rahee hai, jo ashubh phalaprad hai. gochar mein bhee aapakee raashi par shani kee saadhe saatee chal rahee hai. shani shaanti ke lie pratyek shanivaar kutton ko sarason ke tel se bana meetha paraatha‍ khilaen. grah shaanti ke uparaant hee prem mein saphalata kee sambhaavana ban sakatee hai.

sab dhakosala hai. itane dinon se aap ek naukaree ke lie mujhase kya-kya nahin karavaate rahe. mileen naukaree? saala chaparaasee bhee koee rakhane ko taiyaar nahin.

bhannaaya hua vijay jyotishee ke kamare se nikal gaya. ghar pahunchate hee mammee kahane lagee, tumhaare pita ne ladakee pasand kar lee hai. unake dost kee betee hai. beee karake naukaree kar rahee hai.

to main kya karoon?

shaadee kar lo. 

bina naukaree mile yah nahin ho paega.

phir to pooree jindagee kunaare hee rah jaoge. 

beevee kee kamaee khaane se to kunaara rahana hee achchha hai. kahate hue vijay apane kamare mein chala gaya.

 

jindagee aasaan nahin

ek saptaah tak sarita taiping skool nahin aaee. vijay roj aata raha aur niraash hokar vaapas ghar jaata raha. aathaven din sarita ke aate hee vah poochha baitha ki ek saptaah aaee nahin?

jindagee mein bahut dikkaten hain. kahate hue sarita apanee seet par baith gaee.

kya ho gaya?

meree bahan jo beee kar rahee hai kisee ladake ke saath chalee gaee. donon bina shaadee ke hee ek saath rah rahe hain.

aisa kyon kiya?

usaka kahana hai ki yadi vah aisa na karatee to usakee shaadee hee nahin ho paatee.

matalab?

hamaare ghar ke aarthik haalaat. itana kahakar sarita chup ho gaee.

mujhe nahin lagata ki aapakee bahan ne galat kiya hai. aaj kee yuva peedhee vidrohee ho gaee hai. vah paramparaon ko todakar naee naitikata gadh rahee hai. samay ke saath sab theek ho jaega.

par maan to nahin samajhateen. 

haan, unake lie samajhana thoda mushkil hai, lekin aajakal sab chalata hai. hamaara samaaj badal raha hai. bina shaadee ke ek saath rahana pashchimee parampara hai, lekin ab aisa hamaare yahaan bhee hone laga hai.

haan, baithakar sapanon ke raajakumaar ka intajaar karane se to behatar hee hai na ki jo haath thaam le usake saath chal diya jae. chaahe chaar din hee sahee, jindagee mein bahaar to aa jaegee.

vijay ko laga ki kah de ki phir tum mere saath kyon nahin chalee chalateen. ham shaadee kar lete hain par vah kah nahin paaya. 

jaanate ho meree ek bahan baarahaveen mein padh rahee hai. usaka bhee ek ladake se prem chal raha hai. ve donon ek-doosare se shaadee karane ko taiyaar hain. agale saal baalig hote hee shaadee kar lenge.

vijay ke man mein aaya ki kah de ki achchha hee hai. vah apane aap var khoj len to tumhen pareshaanee nahin hogee. vaise bhee paanch hajaar rupe kee naukaree mein tum kaun sa raajakumaar unhen de dogee. ach‍chha hai ki vah apane-apane ‍premiyon ke saath bhaag jaen.

 

baaton-baaton mein ek din sarita ne use bataaya tha ki usake pita kee maut ho chukee hai aur vah teen bahan hain. usaka koee bhaee nahin hai. bahanon mein vahee sabase badee hai. vah ek ophis mein kaam karatee hai aur use paanch hajaar rupe maasik vetan milata hai. doosaree jagah kaam paane ke lie taiping seekh rahee hai.

 

vijay ko apane ek dost ke saath ghatee aisee hee ghatana kee yaad aa gaee. usake dost kee ek bahan apanee badee bahan ke adhed se byaah dene ke baad premee ke saath bhaag gaee. isake baad usaka dost gusse mein ubal raha tha. tab vijay ne kaha tha ki shaant raho yaar. ve donon jahaan ho kushal se rahen. usane jo kiya achchha hee kiya. tum kaun sa use raajakumaar se byaah dete. aakhirakaar jindagee usakee hai. 

 

jeena use hai isalie nirnay bhee use hee lena chaahie. dost ke bade bhaee ne bhee vijay kee baat ka samarthan kiya tha. lekin thoda daarshanik andaaj mein kaha tha ki honee ko yahee manjoor tha. 

 

main bhee sochatee hoon ki ek bahan ne jo kiya theek hee hai. doosaree jo karegee vah bhee achchha hee hai. jeevan yadi sangharsh hai to karo. premee se pati bana vyakti bhee dhokha de sakata hai. jeevan narak ban sakata hai aur maata-pita ka khoja raajakumaar bhee yahee karata hai. lekin maan nahin maanateen. sochatee bahut hain aur tabiyat kharaab kar letee hain. 

puraane jamaane kee hain na.

had to yah ho gaee ki vah mujhase kahane lagee hain ki too bhee kisee ke saath bhaag ja.

main unhen is haal mein chhodakar kisake saath...

ro padee sarita. 

vijay kee samajh mein nahin aaya ki vah kya kahe aur kya kare. 

sthiti ko sarita samajh gaee to khud par kaaboo kiya aur phir se taip karane lagee.

das minat baad sarita uthee aur bina bole hee chalee gaee. vijay kee ichchha huee ki vah usake peechhe-peechhe chala jae, lekin vah baitha raha aur use jaate dekhata raha.

 

moosalaadhaarish mein bijalee ka girana

aasamaan mein kaale baadal ghir aae the. is kaaran parivesh mein andhera pasar gaya tha. rah-rahakar aasamaan mein bijalee chamakatee aur baadal garajate. aise mausam mein bhee vijay taiping skool jaane ke lie taiyaar tha. vah sarita se milana chaahata tha. jab vah ghar se nikala to boondaabaandee shuroo ho chukee thee. phir bhee vah tej kadamon se taiping skool kee taraph badhane laga. kuchh hee door gaya hoga ki baarish tej ho gaee. sadak par chal rahe log bhaagakar kisee chhaanv mein khade ho gae par vah apanee mastee mein bheegata hua chalata raha. 

instit‍yoot pahunchakar use pata chala ki sarita nahin aaee hai.

itanee baarish mein aane kee kya jaroorat thee? maidam ne vijay se kaha. 

aap nahin samajhengee. sab samajhatee hoon, lekin ab sarita yahaan kabhee nahin aaegee.

kyon? aapako kaise pata? 

usaka phon aaya tha. usane kaha ki yadi aap aao to bata doon.

vah kabhee nahin aaegee? vijay kee aavaaj kisee kuen mein se aatee lagee. 

vijay taiping skool se baahar aaya. baahar moosalaadhaar baarish ho rahee thee. jaise hee usane neeche kee or kadam rakha jor se bijalee ‍chamakee aur baadal garajane laga.

vijay sangyaashoony sa bheegata hua ghar kee taraph chal pada.

usane socha ki vah sarita ke ghar jaega. lekin usake ghar ka pata to maidam de sakatee hain. yah sochakar vaapas palata lekin tab tak taiping skool band ho chuka tha.

bheegate hue ghar pahuncha. tab tak usaka shareer bukhaar se tapane laga. lagabhag pandrah din vah chaarapaee par pada raha. jab kuchh theek hua to beesaven din taiping skool pahuncha. maidam nahin milee. yah silasila pandrah dinon tak chala. solahaven din use maidam milee. use dekhate hee bol padee ki kaaphee kamajor ho gae ho? 

us din baarish mein bheega to beemaar ho gaya. 

vijay ne maidam se sarita ke ghar ka pata maanga to usane ek kaagaj par likha aur vijay ko thama diya. maidam ko dhanyavaad bolakar vijay chal pada. vah aaj hee sarita se milana chaahata tha.

jab vah maidam ke die pate par pahuncha to vahaan taala laga tha.

padosiyon se poochhane par pata chala ki sarita yaheen rahatee thee, lekin ab makaan bechakar chalee gaee hai. kaee logon se poochhane ke baad bhee vijay ko usaka naya pata nahin mila. niraash hokar vah ghar laut aaya. 

 

sarita ke is vyavahaar se use kaaphee dhakka laga. use kuchh samajh nahin aa raha tha ki sarita ne aisa kyon kiya?

vah sarita kee yaad mein kavitaen likhane laga.

ek din usane ek sapana dekha aur usake bhaavon ko kavita ke roop mein kaagaj par likha...

 

sarita, jo nikalee

apane ud‍gam sthal se

saagar kee chaah mein chalee drutagati se 

saamane aa gaya pahaad 

takaraane ke baad badal liya apana maarg

maarg tha lamba

pahaadon kee shrrnkhala thee

pathaar aur pathareelee jameen bhee 

aadamee bhee khada tha phaavada lie

baandh banaane ko tatpar

khet seenchane ke lie 

chaahie use paanee peene ke lie bhee

bijalee bhee to chaahie 

ghar roshan karane ke lie 

kaarakhaane chalaane ke lie 

kaarakhaanon ke kachare ko 

bahaane ke lie bhee chaahie use nadee.

prakrti se ladate nahin thakee vah 

bahatee rahee aviral 

dil mein saagar se milane kee chaah lie. 

bhaaree pada pyaar avarodhon par

pahunch gaee vah saahil par

lekin maanav ne bana baandh 

rok dee usakee dhaara

kaarakhaanon kee gandagee udel 

sada diya usakee aatma ko 

apane aansuon se dhotee rah vah apana badan

nirmalata se milana chaahatee thee saagar se

vikaas unmaadee maanav ne

raund diya usakee aatma ko

jinda laash ho gaee vah 

usake lie tadapata hai saagar.

saahil par patakata hai apane sir ko

usane to dam tod diya maanav ke vikaas mein

saagar bhejata hai baadalon ko

use punarjeevit karane ke lie

vah jaanata hai bevapha nahin hai vah 

sachcha hai usaka pyaar 

kaid hai vah maanav ke vikaas mein

barasate hain baadal uphanatee hai nadee

maanav ko dikhaatee hai apana vikaraal roop

milate hee pyaar kee taakat 

tabaah kar dena chaahatee hai vah maanav srshti ko 

badala lena usakee prakrti nahin

bhaagatee hai tej gati se saagar kee or

baanhen phailae svaagat karata hai saagar

bataana chaahatee hai apane kashton ko vah 

lekin kuchh bhee nahin jaanana chaahata saagar

jaanata hai vah maanav svabhaav ko 

usaka bhee to paala pada hai is svaarthee praanee se

 

Aachu kee is kavita ko patrika mein chhape ek maah se adhik ho gaya hai, lekin usake paas is baar bhee ab tak sarita ka koee patr ya phon nahin aaya hai. use ummeed hai ki ek na ek din sarita usase sampark jaroor karegee. jab se vah kavita prakaashit huee hai tab se vah phon kee pratyek ghantee par chaunk jaata hai. yahee nahin har roj postamain ka besabree se intajaar karata hai. aur jab usake aane ka samay khatm ho jaata hai to vah udaasee ke samudr mein doob jaata hai.